Considérase emigrante retornado o traballador de nacionalidade española, que regresa a España despois de permanecer e traballar no estranxeiro, así como, os fillos dos traballadores españois emigrantes, con nacionalidade española, nacidos no estranxeiro que regresen a España e traballasen no estranxeiro coa dita nacionalidade.

Vde. debe cumprir, ademais dos requisitos xerais, os seguintes:

• O solicitante ten que estar desempregado e figurar inscrito como demandante de emprego durante o prazo dun mes a partir da súa inscrición como desempregado, sen rexeitar oferta de emprego nin negarse a participar, excepto causa xustificada, en accións de promoción, formación ou reconversión profesionais. O prazo para inscribirse como demandante de emprego é dun mes desde a data do retorno. Cando un traballador acepte unha colocación de duración inferior a 12 meses durante o mes de espera este quedará en suspenso ata a finalización daquel.
• Ser español e retornar dun país estranxeiro non pertencente á Unión Europea ou ao Espazo Económico Europeo, nin Australia ou Suíza, no que debe ter traballados como mínimo 12 meses nos últimos seis anos desde a última saída de España.