Itzulitako emigrantea hauxe da: espainiar nazionalitatea duen langilea, atzerrian egon eta bertan lan egin ostean Espainiara itzultzen dena, eta espainiar langile emigranteen seme-alabak, espainiar nazionalitatea badute, atzerrian jaio diren arren, Espainiara itzultzen badira eta nazionalitate horrekin atzerrian lan egin badute.

Baldintza orokorrez gain, ondoko baldintzak bete behar dituzu:

• Eskatzaileak langabe egon behar du eta enplegu eskatzaile gisa inskribatuta egon hilabete bateko epean, langabe gisa izena eman duenetik zenbatzen hasita, enplegu eskaintza bati uko egin gabe eta, zergati justifikatua denean salbu, lanbide-sustapenerako, -prestakuntzarako edo birmoldaketarako ekintzetan parte hartzeari uko egin gabe. Itzultzeko datatik hilabete bat, hori da enplegu eskatzaile gisa inskribatzeko epea. Itxarote-hilabetean zehar langile batek 12 hilabete baino gutxiagoko enplegua onartzen duenean, enplegu hori bukatu arte hilabetea etenduta egongo da.
• Espainiarra izatea eta Europar Batasuneko edo Europako Esparru Ekonomikokoa ez den atzerriko herrialde batetik edo Australia edo Suitza ez den herrialde batetik itzultzea, eta bertan lan egin izana gutxienez 12 hilabetez Espainiatik azken aldiz atera zenetik azken sei urteetan.